Ismeretlen szerzõ

O PETALO

(A patkó)

Jokhar varikaj, varikana, kana o cino grupo karing o baro foro zhala, dikhla tele o Raj pej phuv. Ando praxo pe’k phago petalo keconape leske jakha.

Phenla le Petroske:

– Leles opre sigo, rnuro lasho manush!

O Petro turnna pa kodi gindijaspe, che mishto shaj si kodoleske, kon la lyumako Raj silo. Nashtig phenas, ke zurales fajolasles, kana o Raj das duma leske, thaj kerla peske kashuke kan, chi bandyola pala o petalo.

– Baren t’avlas somnakunyi angrusnyi! – gindyil ande peste – de pala ek phago petalo…?

Boldelpe o Petro vi akorde, vi intya, sar te chi zhanlas, karingal shunel e voita. Baro-j le Rajesko tirelmo, haj bandyola voj, lela opre o petalo. Na pe buteste resen andre ando foro, zhan devorta kaj o sastrari, kon jekfarsa delle trin xarkune love pala o petalo. O Petro zhu­tya­rel te shon le love pe kattyi riga, sode zhene sile, de o Raj chi pusavel lenca ch’ek lovo, pala sol trin kinel lole kireshi. Tumna kattyi kireshi lela o Raj, sode pala trin xarkune love aba te den sittyile. Sholle andel zubunoski posotyi.

Zhan Inaj dur. Resna avri pe’k ban pustijo, shuki rnal. Chi kher, chi kasht zhi kaj le duj jak­ha dikhen, feri e shuki char. Pekelas o kham zurales. Kathar e ban trush vi lenge jak­ha avri shuttyon.

– Aj, Raja Devla, che mishto perlas ek nak­ha­jipe paji! – phenel o Petro.

Zhal o Raj, ushtyarel duj-trine pasonca maj ang­le, haj peravela andaj posotyi po-po‘k ki­re­shi pej phuv.

Xuttyel o Svunto Petro, hacille opre, pala sakko kiresha tele bandyindos: sar te somnakunyi angrusnyi rakhlasas.

Lesko shuko kirlo nyevol, oh, che lashe-j le xurde bodyovura, so phagen kadi turbato ban trush.

Zhal o Raj pale rnaj angle, shudel kireshi pej phuv. No, ch’o Petro reshtno, xuttyel, bandyol tele pala lende. Kade zhal maj dur o cino grupo. O Raj sa shudel le kireshi, o Petro pale kidelle opre sakattyivar, pala sako tele ban­dyindos. Lel jokhar o Raj te asal, haj phenel le Petroske.

– Dikhes, te tele bandyilanas jokhar, akanak chi trubulas te bandyos shelvar.