Nagv Gusztáv

PECIMATURA ANDAJ BIBLA

O DEL ANDO KERDYIMO XUTYILDAS

(Történetek a Bibliából)

Sogodi lashoj, so si amen, ke Devlestar si, Voj kerdas o kham, hoj dyese tal dyes, o shonitiko, haj e cherhaja, hoj ratyi te fimlan. E phuv andakodo kerdas te avel kaj beshas.

E phuv, o kham, e cherhaja naj anglune e Devleske. Zhanen, so kerdas majanglal? Anglunes kasaves kerdas sar so voj sas. Bi dikhipeske sas sar o Del. E Bibla andyelenge phenel lengo anav. O Del anda kodo kerdas e andyelon, hoj lesa kethane te beshen ando cheri. O angluno andyelo, kas o Del kerdas, kaver sas sar e majbut.

Voj sas e Devlesko angluno shavo, haj hatyarlaspe peske Dadesa. Zhutisardas e Devleske andel majbut butyake arakhadyipe, zhutisardas te avel Kham, Shonitik, Cherhaja, thaj vi amari Phuv.

Soski sas atunchi e phuv? Atunchi khonyik nashtig trajindo pelate. Amara shuka phuva krujal bare paja sharavnas. Apol o Del kodo kamlas, hoj manusha te trajin pe phuv. Las, haj zumavlas sogodi te kerel lenge. Ichi, so kerdas? La phuva anglunes trubusardasla dyes, andaskadi kerdas, hoj o kham abjome raza te shorel pe phuv. Kade kerdas te avel vi dyese, haj vi ratyi. Pala kodo o Del, angle andas andaj paji e shuki phuv. Anglunes kanchi nas pe phuv. Chi luludya. ehi kasht, chi pedura nas inke. Chijek masho nas ando baro paji.

Inke but butyi sas te kerel o Del, hoj e manushenge haj e pedonge lashi haj shukar te avel e phuv.

Maj palal o Del mashen kerdas, hoj ande paja te najon, haj e ehiriklyan te huran po cheri. Kerdas, zhuklen, mucen , grasten; bare haj cine pedon. Tumende khere, soske pedura traj in? Si te loshas kaj kerdas len o Del?

– Po agor o Del pe la phuvaki jek rig jek than tordyardas angle. Shutas lako anav, bar mandyinaki, kaj sas shukar haj sogodi ande late. 0 Del kodo kamlas, hoj e intrego phuv sa kasavi te aval sar kadi jek rig, vaj kotor.

Zhanes so nas inke angla Devleske jakha? Dikhas feri!

O Angluno mursh haj Zhuvlyi. Sosa si kaver kado tyipo sar o kaver? Ova, manusha si peleste. Kadalaj e anglune manusha, ek mursh taj ek zuvlyi. Kon kerdas len? O Del. E murshes Adam la zhuvlye Evake akharen.

O Del kade kerdas e ADAMOS, hoj las varisode praho andaj phuv. haj andaj praho kerdas chikk, andaj chik kerdas eke trupos, phurdas ande lesko nakh, haj kerdyilas o Adam, zhuvindo manush.

O Del, butyi das e Adamos. Kodo phendas leske, te del anava le pedon. Sako kaver pedos kaver anav. O Adam butaig shaj dikhelas le pedon ke numa kade shaj zhanlas te del len anav. Sar o Adam anav delas le pedon, opre avilas pe varisoste. Avri arakhes, hoj pe soste?

Sogode pedos sas les amal. Sas le elefanticka Dada, Deja, haj sas le levon Dada haj Deja, de e Adamos nas les amal.

O Del andakadi lungo lindra muklas pe Ieste, haj avri las lesko jek pashavro. Anda kado pashavro kerdas romnya le Adameske haj kerdyilas leski romnyi.

Soske baxtaleske shutas le Adamos! Shaj gindis, sosko baxtalyi sas e Eva, kaj ande kasavi bar shaj trajil! Vi shavora shaj avilasle thaj baxtales shaj trajinaspe kethane. O Del kodo kamlas, hoj o Adam haj e Eva sakana-taj-sakana te trajin. Kodo kamlas, hoj e intrego phuv kasavi shukar te keren sar e bar La mandyinaki. Soske baxtales gindinas pe kodo vi o Adam haj vi e Eva, hoj e phuv sa shukar avla. Vi tut fajlino, hoj andekado avri te les tyo kotor, te shos shukarake e phuv? De o Adam haj e Eva na butajig sas le baxtale. Arakh avri sostar?