Kana o Kraj o Heródes mulas, jek andyali avilas pale kaj o Józhef haj kadi
phendas leske, ke aba shaj zhan ando Jeruzhalem, chi trubuj te daran anda shavoro.
Józhef, Mária haj lako shavo Jézush Krisztus (kade pomoninas len: Sunto chalado
- família) drom kerde karing o Jeruzhalem, de po drom ashunde, e Herodesosko
shávo kerdyilas o nyevo kraj. Darajline kathar kodi, hoj dore vi voj kamel lesko
trajo te lel, tele resle pa drom haj ando Nazaret geline, hoj kothe te trajin.
Vi kothe trajinde, de sar o Jezush Krisztus deshuduje bershengo chi
kerdyilas. Atunchi Józhef haj e Márija opre gele ando Jeruzsálem, hoj rig te
len pe kodo sunto dyes, so andej kodola dyesa ingerde andej Jeruzhalemeski bari
khangeri. Penca ingerde vi e Jezushes. Kana nachilas o dyes, penge amalenca
haj prhalenca po drom ushtyile andaj o Jeruzsalemo palpale ando Nazaret.
E manusha atunchi daranas kathar le chór, andaj kodi andej kumpánija linepe
opre. Le droma atunchi inke nas secritare, sar akanak, andaj kade atunchi maj
phare sas le droma.
Jek intrego dyes nachilas bi kodo, hoj sama te len o Jezush naj lenca. O tarshasago
kasavo baro sas, hoj bake chi dikhles les, kodi gindine, ulajlas mashkar but
manusha. De kana apertine hoj naj kothe, kathar kodi darindo, hoj xasardyilas,
bare gindosa-brigasa palpale resle ando Jeruzhalem, hoj te roden les. Vi rakhleles
andej khangeri kothe beshelas haj e „sastyardenge“- pushlinde manushenca vorbijas
pa Devlesko lashimo, haj pa kodi, hoj savorazhenenge kaj o Del trubuj te rudyusaras.
Na kasave „sastyarde” sas kadala manusha, sar kon sastyaren le manushen kon
nasvalej, numa tudósha platniki godyavera manusha sas kodola.
O Jézush Krisztus Kasavo godyaverimo platnimo sikadas ande kodo so phendas lenge
hoj so pushlas lendar, hoj sakon amulinde lestar. De kana peleste rakhle, khere
gelas e Józhefesa haja Maríjasa ando Nazaret, haj kothe trajisardas zhi kaj
tranda vaj tranda thaj panzh bersh: Trajindas ande kodi vrama jek zurales lasho
manush Jánosh, kon la Erzhebetako, Marijako prhalesko shavo sas. Haj ke e manusha
ande kodi vrama xale nasula, marde devlesko sas, ke mudarenas jekhavres haj
chi gindinas penge butyanca, sosa e Devleske avenas o Jánosh hoj (po lashimo
te sityarele) phirelas ando them, predikalindas lenge haj mangelas, ke te aven
po lashimo. De ke sar e manushen maj feder kamelas sar pes, chi gindijas pesa,
hoj so avla lesa, feri le manushen tal lashimo, kade chorrikanes uravelas pes,
andaj genulane morcha - kirpi phirelas haj de sar xalas variso, numa shashki
bungara so po drom rakhelas haj vadno adyvin xalas so le birulya andej kopacha
mukenas. Shashki tume chi na dikhle, ke kodola pasha Jeruzhalemo trajin kodo,
pale zurales dur si kathar. Vi e gemula dur traji ando shivatago, de gemula
aba shajke dikhkle aba.
Kathar o Jeruzhalem na dur sas jek zvoro, saves Jordaneske akharenas, haj ande
kadalesko palyi boldas o Jánosh kodolen, kon avile leste haj dine pengi vorba
ke lashaljon. Andej bare gruppura zhanas leste. Gelastar vi o Jézush Krisztus
leste. De kana o Jánosh dikhklasles kade vorbindas: „Sostar te bolav mé Tut,
kon butivar maj lashoj mandar?” Jézush Krisztus Kadi phendas: „Muk, ke kado
akanak kade te avel” haj kade bolisardas les o Jánosh. Kana bolisardaspe, puterdyilas
o cheri, jek shukár chiriklyi kasavo sar jek gulumbo, hurajlas tele pe leste,
haj e Devleski vorba ashundyilas andaj menyországo, sar kadi phendas: „Kadoj
muro kamlindo shávo, ande kaste losshajvav“. Jézush Krisztus atunchi gelastar
andek vadno haj muklo than andej mal haj kothe sas shtarvardesh dyes hoj shtarvardes
rátyi, rudyindo haj maj lásho tal-tavel e manushengo trajo ke shaj sityarelle
po lashimo, ke kade pala lengo merimo boldogura-láshe taven ando menyországo.
Kana palpale reslas andaj mal, sastyarelas le nasvale manushen, feri káde hoj
pe lende shutas pesko vast, ke o Del zor hatlamo das les te shaj sastyare le
nasvalen, le korren te shaj dikhen.
Haj inke but shukár chodalatossha butya te shaj te kerel, pa soste inke maj
palal maj but pheno tumenge, pal butya feri kade vorbin e Krisztusheske „chodij
kadala sogodi butya“
Angluni chodaj jek kana arakhadindo foro kerdas, kal peska dasa la Marijasa
gelastar andek mangajimo abav. Nachisajlas e mol kadi a Márija phendas le Jézuseske.
Sas kathe barrune khore pherdo palyesa.
O Jézus kado pályi peske uzhe shuse vasteske opre vazdajimosa molyake kerdas
e palyes. Kon kothe sas sa pile andaj mol.
Ke o Del zor hatalmo das e Jézush Krisztuses, haj kasave chodi kerel, ke voj
kadala anda kode kerdas, hoj e manusha te zhanen, hoj voj na jek si mashkar
lende haj te patyan ke o Del bishaldas les. But zhene, kana ashunde pa kadi,
hoj sastyarel le nasvalen, atunchi aba patyanas ande leste – anda leski zor!
Karing voj zhalas, but zhene zhanas pala leste, lenasles krujal pej vujica pej
droma.